時至今日，五四運動已經走過101個年頭。身處於2020年嘅我哋，擁有和平嘅世界，現代嘅生活同更光明嘅未來，對於香港來講，哩個特殊嘅日子更加顯得意義非常。喺香港一直有兩種講法，一係「關香港咩事」嘅態度，對五四唔單止係持冷漠嘅態度，甚至仲將五四青年節魔改成係中共對於青年嘅「大型愛國主義洗腦教育」，一定要劃清界線，好似可以用來顯示自己嘅青年氣質有幾唔同，幾清高。二係香港廢青將自己同當年嘅愛國青年捆綁，用「火燒趙家樓」來印證自己暴力嘅合法化，粉飾自己嘅「反動思想」。哩兩種冷漠或激進嘅思想，其實都係極唔啱，因為佢唔單止違背事實，而且會令人誤入歧途，葬送一生。
宜家有嘀香港廢青專噔同大陸劃清界線，將兩地嘅關係搞到好緊張，就連五一勞動節宣傳都俾講成「五大訴求，缺一不可」，咁五四運動又點解唔關香港事呢？1919年，五四運動席捲全國，香港同樣加入其中，《華字日報》報道香港市面開始抵制日貨、提倡國貨。學生從中環出發，撐住「國貨」嘅油紙傘一路遊行，很快皇仁書院、英皇書院嘅學生組成學生聯合會響應全國號召，哩一刻嘅香港令人感到熱血沸騰，之後魯迅、蕭紅、戴望舒等著名文人南下，「新文化」又喺香港呈現出新氣象。可以講五四運動係對香港民族意識、文化藝術嘅一次大推進。一味認為五四係大陸嘅五四，唔係香港嘅五四，唔單止否認咗歷史，對佢仲係一種羞辱。香港同大陸係密切相關嘅，香港青年同大陸青年更加係命運相連，惺惺相惜，當年喺戰亂中仲互相扶持，遙相呼應，如今竟然翻面唔認人，劃清界線，係棄五四精神於不顧，枉做中國嘅青年。
激進派嘅廢青就將自己譬喻為當年「火燒趙家樓」嘅人，將當年嘅運動同宜家嘅民主運動相比較，甚至用對歷史人物歌功頌德嘅方式，反問宜家嘀人點解唔可以接受「有限度暴力」。哩班廢青之所以廢，就係因為佢哋歪曲嘅邏輯總能夠自圓。但係自我表揚之前，要認清當年嘅社會運動究竟係咩回事？100年前嘅中國青年點解要火燒賣國賊曹汝霖嘅趙家樓，係因為列強將德國喺山東嘅權益轉讓俾日本，曹汝霖將國土當做商品賣來賣去，將一個恥辱變成另一個恥辱，所以當時嘅青年先會憤怒會反抗，哩個唔係為咗自己嘅利益，而係為咗國家，為咗民族嘅未來。而對比翻香港，經濟繁榮，生活幸福，喺一派祥和嘅景象中哩班廢青竟然為咗自己少少嘅利益就要上街遊行，打砸搶燒。冷靜咁思考下，宜家佢哋嘅社會運動究竟係為咗乜？竟然可以堂而皇之咁同賣國賊一齊破壞香港，破壞自己國家嘅穩定。
五一假期，香港唔太平。一係冇咗大陸嘅遊客，香港顯得好慘淡，失業率飆升；二係疫情期間，暴力又捲土重來。沙田廣場百名市民聚集遊行、旺角搜出汽油彈、九龍灣宿舍發現爆炸品。疫情之下仍然有唔少非法集結，未來經濟復蘇將會難上加難。五四嘅精神如今依然存在，我哋支持自由民主，我哋希望年輕人可以去推動社會發展，但係要清醒知道社會運動究竟係為咗乜。希望香港嘅青年都可以真正明白五四精神，做真正嘅有識之士。
