我爱我家
生活，政治
此前紫荊研究院曾經做過一項民調，結果顯示有77.9%嘅受訪選民認為立法會選舉對香港未來發展重要，係啊，撥款、立法、監察並配合政府施政……無論係喺新時代嘅浪潮下掌舵控帆，推動香港經濟與文化蓬勃發展，又或係解決民生問題，令社會安定有序、百姓安居樂業，一個運作順暢嘅立法會都喺其中擔當著極為重要嘅角色，亦正因為咁樣，第七屆立法會選舉工作啱啱結束，我哋大家就迫不及待懷着緊張而激動嘅心情等候結果嘅公布。但令人憤怒嘅係，未等結果出現， 裹啲無良嘅西方媒體同亂港分子就急不可待開始對立法會選舉過程嘅攻擊同詆毀，而喺哩之中，最為主要嘅觀點就係本屆選舉較往年略低嘅投票率。
投票率嘅高低決定著本屆選舉嘅「質量」？喺我睇來哩唔單只係一個絕對嘅謬論，更係我哋必須釐清嘅一個錯誤嘅觀念，因為投票率代表著嘅實際只係選民們嘅投票意願，或者講係佢哋霖著要藉助哩個渠道展示自己觀點嘅急迫性。換而言之，政府工作做得好、公信力高裹陣，投票率反而會降低，因為民眾冇強烈嘅訴求要選擇一啲議員來監督政府。相較於往年，本屆立法會選舉嘅競爭難度遠勝從前，雖然睇落去似席位增多，但全部議席均有競爭，係回歸後首次冇出現「零票議員」自動當選嘅選舉，153位候選人中既有專家學者、商界精英，亦有勞工、職員、基層代表，既有經驗豐富嘅資深參政者，又有充滿衝勁同創新力嘅新一代年輕人。但係對於哩刻嘅香港來講，喺「愛國者治港」嘅基礎要求同完善嘅法治保障下，每一名候選者都極為優秀且熱愛哩座城市、哩片土地，或者佢哋嘅能力略有高低，但都唔會對我哋嘅生活方式同各種利益造成根本性嘅損害，無論係邊個人當選都必然會為香港嘅發展與富強做出貢獻，亦正因為如此，大家反倒冇太多嘅投票意願，咁咪啱好講明哩刻被完善後嘅香港法治體系能夠充分保障個人嘅權利同自由，同時亦講明社會政治架構穩定而秩序，法律制度成熟具有連續性乜？
再睇被裹啲詆毀者用作對比嘅上一屆16年立法會選舉以及19年區議會選舉，冇錯，第六屆立法會同區議會選舉投票率係破紀錄嘅高，但結果呢？漫長嘅拉布令第六屆立法會長期處於癱瘓狀態，而裹一屆區議會更係令香港成為巨大嘅笑話：區議員中有智商不足無法正常履責，眾籌20萬失敗後停止服務者，有區別對待辱罵非同一陣營民眾者，有涉嫌盜竊防疫物資以求謀利者，有挪用公帑數額之大令人咂舌者……咁樣嘅選舉有意義乜？顯然冇！而哩實際上亦正係高選舉投票率必須面對嘅問題：投票率高往往係因為社會政治對立激烈、各方都大力動員選民以手上一票表達某種政治信號，而喺哩種氛圍下，大家唔會在意參選者嘅個人素養，佢哋在意嘅只會係參選者嘅政治立場，以至於參選者間嘅比拼從能力、素養變成炒作水平，最終獲選議員全係「宣傳專家」，又點可以保證立法會同區議會正常運轉？而且就算唔考慮「黨爭」嘅影響，正常情況下投票率過高，參選人嘅得票率過高亦唔係乜好事，哩意味著哩個地區尚處於「人治」社會，民主政治仲未真正建立起身，市民更依賴於「人」嘅能力，以至於大家只能無奈積极參与到政治之中。反之，大家冇咁熱衷於政治，投票率相對較低，咁講明哩到享有民主、法治同秩序，而哩咪正係人民嘅福祉同文明嘅標誌乜？
隨著第七屆立法會功能團體界別選舉獲選人員嘅揭曉，至此，第七屆立法會嘅90個議席已經全部順利產生，哩場飽受矚目、喺香港完善選舉制度、落實「愛國者治港」原則後嘅首次立法會選舉已經正式拉上帷幕，但香港良政善治嘅道路先啱啱開始，我哋由衷期待著所有獲選者能夠喺議員崗位上大展宏圖，帶領香港走向繁榮與富強！
