老里八早格徐家汇

网浪厢多看西看，一勿小心看着迭几张徐家汇格老照片，弄过来大家欣赏欣赏，一道探讨探讨是啥地方，第一张比较明显，正面应该是衡山路，右面是肇嘉浜路，伊格辰光还叫徐家汇路。
好像早到连有轨电车好勿曾有拉里， 第二第三张好像是伊格转盘，就是老早有轨电车绕一圈个地方。
最后一张肯定是“浜”，就是勿晓得左面还是右面是浜南还是浜北，迭戈南北辣上海市交关重要格，浜南市的的括括个下只角，浜北当然是上只角了，侬搭之家人讲：“阿拉屋里住肇嘉浜路附近格。”听格人或许是有数有脉格勿会来问侬，不过肚皮里大概会想想“伊是住浜南还是浜北格？”
直到现在，比方讲徐家汇格汇金广场，老介伐，但是房价就是涨得勿高，为啥？有人讲，汇金广场格门牌摆错地方了，勿应该是“肇嘉浜路XXX号”，哪怕是浜北，若果大门格门牌号码开了“衡山路几号几号”，迭格档次推摆勿起了，衡山路要比肇嘉浜路老卵几个档次啊？

[上海毛毛]

侬阿踏老里八早了。至少我小时候不是哥能咖。

[西门祝]

郭舌是解方以前。草帽旗袍有沧桑感。

伐错！蛮有迷倒格。

[tudou!]

不是太早，文革时基本还是那样，只不过土路变成了柏油马路，本建筑变成了砖石建筑，肇嘉浜变成了肇嘉浜路。

[粉玫瑰]

老里八早，特早了！