迭个两种像45路49路伐？

迭个搭之45路老汽车是蛮像个，45路是从江边码头到曹家渡，阿拉屋里住江南新村，每天江南造船厂交关职工要乘迭部车子去上班格，伲爷辣拉江南厂对过个船研所上班，当然还是每日必乘，不过有段辰光爷老头子要锻炼锻炼身体，每天走来走去。


从东安新村（老早叫东庙新村）到汉口路外滩格49路，好像跟底下头格车型蛮像格，讲到东安新村，格末我是相当熟悉格，东安一村，中山南二路以北东安路以东零陵路以南，东面是没有真正界限，日晖中学后面那一条线。东安二村则在中山南二路东安路零陵路西面是中医学院，东安三村在中医学院龙华医院对面。


一帮上海户头吃饱之事体没有饭做，捣捣老糨糊真格蛮好白相格，谢谢大家。