 |
一直，我都认为自己系一个十分之任性嘅孩子，钟意同人斗气，也钟意同自己斗气．钟意嘅野，虽然唔钟意成日揽住唔放，但果个野必要从本质上属于我，而且我想见就随时可以见到；唔钟意嘅野，恨不得距永远都唔好出现响我眼前，眼不见为干净．我稳吖稳吖，甘就过左人生嘅四分之一嘅时间咯，但好似冇咩野可以由我如此任性．后来我发现左一样野－－天空．呵呵～你想见时，只要抬下头，距就随时随地都可以出现响你眼前；唔钟意时，哒低个头唔望就睇唔见啦．于是，我爱上呢一片几时都属于我嘅天空．不过，最后我先发现，呢个只系一个谎言，一个自己厄自己嘅谎言．天空，系属于大家嘎，距几时都存在响呢个空间．你睇唔见距，只系自己将自己嘅眼睛藏起身，甘同掩耳盗铃有乜区别呢．[nc31] 呢个并非天空嘅错，因为距本来就一直无声无息甘陪住我，只系我自己太任性，对距要求太多嗟．呢个世界，仲有Ｄ咩野可以甘，任你如何埋怨，距都一直唔变甘陪住你吖．就算，事实话我知，天空系冇可能只属于我一个人，但我依然爱天空．要怪，就怪呢段距离实在太远，远到我不能随手可触，任性地选择放弃． |
|
|
