上海人讲给上海人听的故事

 

    回国去的晨光，阿拉一个老同学和我嘎塞污（聊天）。迭个老兄来自安徽山里厢，但是一口上海闲话讲得比上海人还懂经。 

 伊讲，今朝实在气死了，随便哪能想不通。 

 我搞不懂，迭种亿万富翁，名牌王老五，呼风来风，唤雨得雨，还有啥不乐胃的事体？ 

 伊讲，侬记得我个女秘书伐，迭个琳达？ 

 琳达当然记得！岂止是伊格女秘书，还是贴身女蜜薯！老居三，江湖混了嘎长，还会跌到这格种阴沟里去，低级错误，男人哪能就是前赴后继？不过迭个琳达，呵呵，调了我，大概也是“忍无可忍”的吧？

 “琳达啊，”朋友长叹，“我追伊追了嘎许多年，结果呢，今朝收到伊亲手交给我的婚礼请帖。” 

 厥倒！我心里偷笑。 

 “伊嫁人也就算了，侬晓得伊嫁了啥人？” 

 “啥人？侬输把啊里个人物啦？” 

 “册伊拉娘起来，琳达嫁把我的司机阿三头了！” 

 哇！怪不得想不通了。真格是要跳黄浦江了！ 

 “我哪能想得通啊？徐家汇两套房子把伊买好，丈母娘钻戒送过去了，问伊为啥呢？侬晓得伊哪能回答我？伊讲，因为阿三是上海人！” 
    

[ASPENHSU]

一般上海人是不肯嫁給安徽人的﹐俗稱半鋼。。。